કાબુલી ચણા ને બે થી ત્રણ વખત ધોઈને ચપટી મીઠું નાખી ગરમ પાણીમાં સાતથી આઠ કલાક માટે પલાળી રાખો. પછી તેનો દાણો ફાટે તે રીતે પ્રેશર કુકરમાં તેને સાતથી આઠ વિસલ થી બાફી લો. બધા મસાલા ને એક બાઉલમાં લઈ 1/2 કપ પાણી ઉમેરી તેની પેસ્ટ તૈયાર કરી લો.

જીરુ અને દાડમના દાણાને તેનો કલર બદલાઈને એકદમ બ્રાઉન કલરના થાય ત્યાં સુધી ધીમા તાપે નોનસ્ટિક પેનમાં કોરાજ શેકી લો. પછી તેમાં તૈયાર કરેલી મસાલાની પેસ્ટ ઉમેરી મિક્સર જારમાં લઈ તેની સ્મૂધ પ્યુરી તૈયાર કરી લો.

એક કડાઈમાં ઘીનો વઘાર મૂકી તેમાં જીરું ઉમેરી છીણેલી દૂધી ઉમેરી તે બ્રાઉન કલરની થાય તે ત્યાં સુધી તેને સાંતળો પછી તેમાં છીણેલા ટામેટા ઉમેરી સાંતળો. તૈયાર કરેલી મસાલા અને દાડમના દાણા ની પેસ્ટ તેમાં ઉમેરી ઘી છૂટું પડે ત્યાં સુધી બધું સાંતળો.

હવે તેમાં બે કપ પાણી અને બાફેલા કાબુલી ચણા ઉમેરી બધું એકરસ થાય ત્યાં સુધી પાંચ થી સાત મિનિટ માટે ઉકાળી લો છેલ્લે તેમાં ઝીણી સમારેલી કોથમીર અને કસૂરી મેથી ઉમેરી ગેસ બંધ કરી દો.

તૈયાર દાડમ દાણા કાબુલી ચણા ને સર્વિંગ બાઉલમાં લઈ ઉપરથી તળેલા મરચા મૂકો અને ઝીણી સમારેલી કોથમીર ઉમેરી લો.

તૈયાર દાડમ દાણા મસાલા છોલે ને સર્વ કરો.