कंद आणि इतर भाज्या साफ करून त्याचे तूकडे करुन आणि लहान वांगी मधे दोन चिरा पाडून पाण्यात घालून ठेवावी. सुरती पापडी आणि वाल पापडी साफ करून त्याचे तूकडे करुन घ्यावे.

मेथी मुठीया बनवण्यासाठी मेथीची पाने स्वच्छ धुवून ती बारीक चिरून घेतली. त्यात बेसन पीठ, तांदळाचं पीठ, मीठ, तिखट पूड हळद धणे जीरे पावडर आणि गरम मसाला घालून १ टीस्पून तेल आणि अर्ध्या लिंबाचा रस घातला.

मिक्सर मधून आलं, लसूण, मिरच्या, कोथिंबीर आणि लसूण पात घालून पेस्ट करून घेतली आणि ती पेस्ट मेथीच्या मिश्रणात घातली.

मेथीच्या मिश्रणात जरासं पाणी घालून मिक्स केले, मग हाताला तेल लावून मेथीच्या मुठीया (लहान गोळे) करून घेतल्या मग तेलात डिप फ्राय केले.

उंधीयुचा मसाला बनवण्यासाठी लसूण पात, कांदा पात आणि कोथिंबीर मिक्सर मधून जाडसर वाटून घेतली, ओलं खोबरं घेतलं.

ओल्या खोबऱ्यामधे, कांदा पात, लसूण पात आणि कोथिंबीरीचं मिश्रण घालून त्यात भाजलेल्या शेंगदाण्याचे कूट, भाजलेल्या तिळाचे कुट, हळद, मीठ, साखर, धणे जीरे पावडर आणि लिंबाचा रस घालून मिक्स केले.

ओल्या खोबऱ्याचे मिश्रण लहान वांग्यामधे भरले, त्यात इतर भाज्या पण घालून मिक्स केल्या. आणि उरलेला खोबर्राचे मिश्रण सगळ्या भाजीमधे घातले. भाजी मधे थोडं तिखट पूड किंवा २ मिरच्या घालाव्यात, भाजी छान चविष्ट लागते.

सगळ्या भाज्यांच्या वरती तळलेले मेथीचे मुठीये ठेवले आणि जरासं पाणी घालून १० मिनिटे उंधीयु भाजी शिजवून घेतली.

चपातीच्या पीठाच्या गोळ्या करून त्याच्या पुर्या लाटून गरमागरम पुर्या तळून घेतल्या.