ત્યારબાદ કુકરમાં વઘાર માટે તેલ ગરમ કરો તેમાં હીંગ, હળદર નાખીને મગ વઘારી લો તેમાં ૧ કપ પાણી રેડી ત્રણ વ્હીસલ વગાડી લો, મગ કોરા ચડવા જોઇએ

હવે લસણની લાલ ચટણી બનાવવા માટે લસણ આદુ પહેલાં વાટો ત્યાર બાદ, લાલ મરચું, મીઠું, ૨ ટીસ્પૂન પાણી રેડીને ચટણી બનાવી લો

કોબીજ, ટામેટાં, કૅપસીકમ ધોઇ ને ઝીણા સમારી લો

હવે એક કડાઈમાં વઘાર માટે તેલ ગરમ કરો તેમાં જીરું, હીંગ, સમારેલા લીલાં મરચાં,તમાલ પત્ર, તજ, લવિંગ નાખીને કોબીજ સાંતળી લો

કોબીજ સંતળાઈ જાય એટલે કેપ્સીકમ ટામેટાં ઉમેરો તેમાં સ્વાદ પ્રમાણે મીઠું, હળદર, ગરમ મસાલો, લાલ મરચું પાઉડર નાખીને બરાબર સાંતળી લો

ત્યારબાદ તેમાં લસણની ચટણી નાખીને બાફેલા મગ વઘારી લો ત્યાર બાદ ભાત ઉમેરો લો

તેમાં સ્વાદ પ્રમાણે મીઠું નાખો બરાબર મિક્ષ કરી લો,મગ પુલાવ તૈયાર થાય એટલે ઉપરથી સમારેલી કોથમીર ભભરાવી મોળા દહીં, પાપડ સાથે સર્વ કરો ખૂબ જ સ્વાદિષ્ટ લાગે છે એક જ પ્લેટ માં પેટ ભરાઇ જાય એવો આ મગ પુલાવ છે