نحضر العجينة نحط الفرينة مع ملح و سكر ولافاني و ندير شويه ماء الزهر في الزبدة المدابة و نرجع في الفرينة و نطم نتحصل على عجينة متماسكة نغطوها و نخلوها ترتاح على اقل ساعة

نحضر الحشو نخلط اللوز مع السكر و نرجع نرحيهم مع بعض و ندير مبشور الليمون و نطم بحبه بيض ثم نضيف صفار بيض حتى نتحصل على عجينة تتلاسق شويه و نقعد نعجن فيها مليح و نحك حتى نحس السكر داب نوزنها من 35 حتى 50 غ على حسب حجم الحبه ادا تحبيها كبيرة أو صغيرة

نفتح العجينة بالمكينة البقلاوة في الرقم ما قبل الأخير ثم نقطعها دوائر درت 10 سم

ندهن العجينة ببياض البيض ثم نفتح العجينة اللوز عليها ثم نبدا نطلع فيها بالاصابع و ندور كاني نرولي غير بلعقل ننخنقها حتى نتحصل على شكل سليلة

ندخل الفرن متوسط الحرارة 160 او 170 درجة من 20 الى 30 دقيقة على حسب الفرن و حجم الحبه كل ما تكون كبيرة تاخد وقت

غير طيب نغلط لعسل مع الشاربات ندفيهم شويه و كي طيب الحلوة نديروها في العسل و نخلوها 5 دقايق تشرب

نفس وصفة الدزيرياتhttps://cookpad.wasmer.app/dz/r/16210330 و زمان أهل العاصمة كانو يطبخون اللوز مع السكر حتى يدوب السكر و بعد ما يبرد الخليط يضيفون مبشور الليمون و يجمعون بالبيض