शेंगांची साल काढून स्वच्छ धुऊन घ्या. छोट्या कुकर मध्ये शेवग्याच्या शेंगा, थोडेसे पाणी,चवीप्रमाणे मीठ, हळद घालून घेणे. झाकण लावून 2-3 शिट्टया करून घेणे.

आलं, लसूण, हिरवी मिरची यांची पाणी न घालता पेस्ट करून घेणे. कांदा टोमॅटो कोथिंबीर बारीक चिरून घेणे. एका भांड्यात पुरणाची वाटण्याची चाळण ठेवून घेणे. त्यात उकडलेल्या शेंगा घालून घेणे.‌

पावभाजीचा मॅशर किंवा चमच्याने शेंगा घोटून घेणे. व्यवस्थित शेंगा घोटून घेतल्यानंतर शेंगांची जी साल शिल्लक राहतात. ती बाजूला काढून टाकणे.भांड्यामध्ये पाणी व गर राहतो. तो व्यवस्थित मिक्स करून घेणे.
त्यात आलं,लसूण, मिरचीचे वाटण घालून मिक्स करून घेणे.

चिरलेला कांदा, टोमॅटो, कोथिंबीर घालून घेणे. बारीक रवा व तांदळाचे पीठ घालून घेणे.

मीठ चव घेऊनच,घालावे. आधी आपण शेंगा उकडतानाही मीठ घातलेले आहे, हे लक्षात ठेवावे. दही व सर्व मसाले घालून व्यवस्थित मिक्स करून घेणे.

मिक्स केलेले मिश्रण झाकण ठेवून,दहा मिनिटे बाजूला ठेवणे. आप्पेपात्र गॅसवर तापत ठेवणे ‌ आप्पे करायला घेताना, त्यात खायचा सोडा व 1/2 टीस्पून पाणी घालून मिश्रण व्यवस्थित मिक्स करून घेणे.

आप्पे पात्र तापले की गॅस मध्यम आचेवर ठेवा. त्यात तेल घालून घेणे व थोडेसे तीळ घालून घेणे. लगेच त्यावर तयार आप्प्याचे पीठ घालून घेणे. झाकून ठेवून आप्पे शिजू देणे.

झाकण काढून आप्पे उलटे करून घेणे. दुसरी बाजू ही चांगली भाजून घेणे. अशा प्रकारे सर्व आप्पे तयार करून घेणे.