સૌપ્રથમ બધી દાળ મિક્સ કરી તેને ધોઈને બાફી લઈશું. હવે એક વાસણમાં ઘઉંનો લોટ અને રવો લઇ તેમજ સ્વાદ મુજબ મીઠું અને અજમો તથા કસૂરી મેથી ઉમેરી બરાબર ભેગુ કરી લેવું હવે તેમાં મુવાણ નાખી જરૂર મુજબ પાણી રેડી કઠણ કણક તૈયાર કરીશું

હવે તેને ઢાંકીને સાઈડ પર મુકીશું દાળ બફાઈ ગયા બાદ હવે તેલનો વઘાર મૂકી તેમાં રાય કે જીરું તતડવા દઈ તેમાં કરીને ડુંગળી ઉમેરી દઈશું હવે તેમાં હિંગ ઉમેરી દઈશું ડુંગળી ગુલાબી થાય ત્યારબાદ તેમાં ટામેટું ઉમેરી દઈશું હવે તેમાં બધા મસાલા ઉમેરી તેને શેકાવા દઈશું

ડુંગળી અને ટામેટું બરાબર શેકાઈ ગયા બાદ તેમાં બફાઈ ગયેલી દાળ ઉમેરી દઈશું હવે તેમાં સ્વાદ મુજબ મીઠું ઉમેરી તેને ઉકળવા દઈશું ત્યારબાદ તેમાં કોથમીર ભભરાવીશું

હવે એક મિક્સર જારમાં લસણની કળીઓ સેવ સ્વાદ મુજબ મીઠું અને લાલ મરચું ઉમેરી એક થી બે ટીસ્પૂન પાણી ઉમેરી તેની પેસ્ટ તૈયાર કરી લઈશું હવે તેને એક કઢાઈમાં તેલ ગરમ મૂકી શેકી લઈશું. હવે કણકને બરાબર મસળી તેના ગોળ લુવા વાળી બાટી તૈયાર કરીશું હવે તેને અપ્પમ સ્ટેન્ડમાં મૂકી બધી બાજુથી સરસ શેકી લઈશું ગરમાગરમ બાટી ઘીમાં બોડી સર્વ કરીશું