إفتح في تطبيق كوكبادالخطوات
- 1
بنفرم البصل ناعم جدا وبنقليه لحد ما ياخد اللون الاشقر بنضيف اللحمة مع الملح والبهارات لحتى تستوي
- 2
بقلاية تانية بنقلي اللوز او الصنوبر وبنضيفه عاللحمة وبنفرم البقدونس فرامة ناعمة جدا وبنضيفها كمان
- 3
طبعا رح نكون حافرين الكوسا وبندير بالنا انه ما تكون رقيقة كتير مشان ما تخرب بالقلي او تنحرق
- 4
بنحشي الكوسا باللحمة اللي جهزناها وبعدها بنقليها على نار حامية لحتى تتحمر وبس تستوي بنشيلها وبنحطها بمصفاية او على ورق نشاف
- 5
نيجي للبن بنحط العلبة بالطنجرة مع البيضة والنشا والملح والنعنع ومكعب الماجي المحلول بمية سخنة والزيت وبنضرب بالمضرب اليدوي او الكهربائي لحد ما تمتزج المكونات كويس
- 6
بنضيف عليها نفس مقدار اللبن ماء او مرقة دجاج اذا متوفر، شوي شوي مع التحريك المستمر لحتى ما يفرط اللبن
- 7
وبعدها بنحط الطنجرة على الغاز مع التحريك المستمر ما بنتركها ابدا لحتى يغلى اللبن
- 8
لما غلي اللبن معنا بنضيف حبات المخشي للبن وبنتركها تغلى على نار واطية من ربع ساعة لتلت ساعة
- 9
هيك بتكون جاهزة تقدم بجانب الرز وبالعافية ع قلبكم 😘
كلمات ذات صلة
وصفات مشابهة
وصفات ننصحك بمشاهدتها
التعليقات