🌷بسم الله🌷
نحضرو المكونات اللازمة

نغسلو حبات الطماطم ونرحيوهم جيداً

نرحيو فص الثوم (نص نخدمو بيه فالروز ونص فالقناوية)

نقصو اللحم حجم صغير (راس العصفور) مثل الذي في الصورة

نبداو بتحضير القناوية اللي ناحينالها الراس سابقا (ليلة قبل) و نْبيّتُوها في الثلاجة

نغسلوها جيداً ونخليوها تسقطر حتى تنشف من الماء

نقليوها في زيت سخون،و نعصرو عليها الليمون (باش تروحلها اللزوجة)

من جهة أخرى، نحطو في كركوطة الزيت والزبدة والثوم وبعدما تسخن نقلَّيوْ اللحم

نزيدو الملح والفلفل الاسود وبهارات الخضر والكرافس ونخلطو جيداً

بعدها نضيفو الطماطم ونخليوها حتى تغلي

كي تغلي نزيدو القناوية ونخلطو جيداً ونخليوهم حتى يغليو

في الوقت لي تطيب اي تستوي فيه القناوية نحضرو الرز

في كركوطة أخرى، نحطو الزيت والزبدة والثوم والدويدة

كي يطيب الرز والقناوية تكون الأكلة جاهزة

نقدموهم على الطاولة بهاذ الطريقة،
أنا زينتهم بالكرافص