نبدا بسم الله ونجيب ريسبسيون نحط فيه 3حبات بيض مع رشة ملح ونضيف عليهم نصف كاس سكر عادي ونخفق مليح

بعد ذلك نحط كاس زيت ونواصل الخلط ثم نحط كاس ونصف حليب دافئ

نخلط الكل مليح ثم نحط كاس كاوكاو محمص ومرحي

نضيف 3كاس بسكويت ماكسون مرحي ونضيف ربع كاس كاجو محمص ومرحي ونحط عليهم 2كيس خميرة الحلوى ونخلط الكل مليح

نجيب سينية فرن نحط فيها ورق الطهي ونفرغ الخليط تاعي ونشعل الفرن ونحطو يطيب ثم نجيب كسرونة نحط فيها كاس سكر عادي ونحط. عالنار حتى يصبح كاراميل

بعد ماصبح كاراميل نضيف عليه 2كاس الا ربع ماء ونخليه يغلي عالنار مدة 40د ونطفي النار ونخليه يبرد

بعد ماطاب الكيك تاعي من تحت نشعلو من فوق يتحمر ونخرجو ونخليه يبرد تماما ثم نحيه من السينية ونحطو فوق طاولة العمل ونجيب سكين ونقطعلو الاطراف ثم نجيب الشاربات تاعي ونشري الكيك

بعد ذلك نضيفلو من فوق 2م ك معجون المشمس ونطليه كامل ثم هذوك الحواشي لي قصيناهم نفتتهم قطع صغيرة و نحطهم من فوق كما موضح فالصورة ثم نجيب الكريمة لي بقاتلي من الكاجو المحمص والمرحي ونحطو من فوق

فالاخير نجيب صفاية وسكر ناعم ونرش كامل سطح الحلوى ثم نقصها الى مربعات

نجيب كسيات ورقية ونحط فيها الفو كاستال او الكاستال الكاذب فيها جاء بزاف بنين وخفيف ذوق الكاستال