نبدأ على بركة الله، نقي اليقطين (الكابوية الحمراء او القرع العسلي) ونوزنو هو والسكر، في إناء نقطع الكابويا مكعبات صغيرة ثم نضيف عليها حبة ليمون صغيرة مقطعة قطع صغيرة والقشرة الرقيقة تاع البرتقال أو نبشروه.

ونتخلصو من الطبقة البيضاء للبرتقال ونعاود نقطعها قطع صغيرة ونضيفها على باقي المكونات، فرغت المكونات في إناء واسع.
ملاحظة: ✔استعملت حبة صغيرة ليمون بيها بالقشر.

ثم ضفت السكر وفلان بذوق الليمون (لتعزيز الذوق يمكن الإستغناء عنه) نخلط الكل جيدا، نغطي الإناء ومرة على مرة نحرك حتى ذاب السكر تماما وطلق الماء.

نفرغ الخليط في كاسرونة ونحطها على نار متوسطة إلى هادئة، ونضيف عود قرفة مع اليانسون النجمي (نجمة الأرض)، كي تبدأ تغلي ودير الشكشوكة (الرغوة) من فوق نحاول نتخلص منها في كل مرة كما هو موضح في الصورة.

كي طيب (تستوي) ننزع عود قرفة واليانسون النجمي، ونرحيها بالبرا مكسور جيدا وهي عاد سخونة.
ملاحظة: ✔ما لازمش نخليوها طيب فوق اللازم لأن الليمون يصبح صلب (قاسح).

نتحصلو على معجون كابويا لذيذ جدا، وهي سخونة نعمرها في برطمانات زجاجية معقمة ونغلف البرطمان ببابي فيلم (بلاستيك غذائي) عاد نغلقها.

ونقلبها ونخليها حتى تبرد تماما ثم نخبيها في خزانة المطبخ بدون ما ندخلها للثلاجة، لكن كي نستهلكوها ونفتحوها لازم ندخلوها للثلاجة.

وقدّمتها بألف صحة وهنا 😋👌🏻😋لونها جميل 🥰والأكيد بنينة بزاف😋.

وشهية طيبة للجميع 🌷