فطير مشلتت بالصور
فطير مشلتت الخطوات بالصور طريقه سهله جدا
إفتح في تطبيق كوكبادالخطوات
- 1
بقلب الدقيق والملح سوا
- 2
بضيف الميه بالتدريج ونعجن لحد ما تبقي متماسكه و طريه انا بالنسبالي الدقيق احتاج كوب ونص ميه
- 3
بغطيها و اسبها ترتاح نص ساعه
- 4
باخد العجينه وبلفها رول اسطوانه زي الصورة
- 5
بعدين بقطع قطعه كبيره منها من قبل النص بشويه يعني بين التلت و النص و اقطعها زي ما باين في الصوره
- 6
العجينه الباقيه بقي بلفها رول تاني و اقطعها 9 قطع صغيرين
- 7
بكور القطعه الكبيره و ال9 قطع الصغيرين و اغطيهم واسبهم يرتاحو ربع ساعه كمان
- 8
بدهن صينيه سمنه
- 9
باخد العجينه الكبيره و اغمسها في خليط الزيت و السمنه
- 10
و بحطها على الرخامه و بفردها بالنشابه بحجم اكبر من الصينيه بتاعتي
- 11
بحيث العجينه تبقي نازله كده من الصينيه
- 12
باخد بقي ال9 قطع الصغيرين و اغمسهم في الزيت و السمنه و افردهم بس بنفس حجم الصينيه و بفردهم فوق القطعه الكبيره اللي فردتها وطبعا بدهن سمنه بين كل عجينه و التانيه
- 13
بعدين باخد طروف العجينه الكبيره و اطبقها على بعضها زي شكل الظرف كده و الصورة موضحه
- 14
بنشلها بقي من الصينيه اقلبها على الرخامه وارجت أفردها بالنشابه او بايدك احسن طبطبي عليها بايدك و تعمليها بنفس حجم الصينيه
- 15
بعدين ترجعيها الصينيه و تظبطيها كده و ادهني بقى وشها قشطه او سمنه او زبده المتاح عندك انا كان عندي وش اللبن كنت مخزناه ودهنت الوش بيه
- 16
بسيبها بقي ترتاح 10 دقايق والفتره دي بسخن فيها الفرن على درجه 180 وبدخلها الفرن ربع ساعه ولو وشها محمرش طلعي الصينيه و اقبليها على وشها التاني تحمر 5 دقايق
- 17
وبالف هنا و شفا 😍
وصفات مشابهة
وصفات ننصحك بمشاهدتها
التعليقات (2)