முதலில் கடாயில் எண்ணெய் விட்டு நறுக்கிய பெரிய வெங்காயம் தக்காளியை சேர்த்து நன்றாக வதக்கிக் கொள்ளவும். அது ஆறியதும் அதனை மைய அரைத்து கொள்ளவும்.பின்பு கடாயில் பட்டர் சேர்த்து நறுக்கிய பனீர் துண்டுகளை நன்றாக வதக்கி தனியே எடுத்து வைத்துக் கொள்ளவும்.

கடாயில் எண்ணெய் சேர்த்து அதில் பட்டை லவங்கம் பிரிஞ்சி இலை நறுக்கிய பச்சை மிளகாய் மற்றும் இஞ்சி பூண்டு விழுது சேர்த்து நன்றாக பச்சை வாசம் போகும் வரை வதக்கிக் கொள்ளவும். பின்பு அதனுடன் அரைத்து வைத்த வெங்காயம் தக்காளி விழுதை சேர்த்து நன்றாக கலந்து விடவும்

வெங்காயம் தக்காளி மசாலா வில் வரமிளகாய்த்தூள் மற்றும் கஸ்தூரி மேத்தி சேர்த்து நன்றாக கொதிக்க விடவும். பின்பு அதில் வேகவைத்த பச்சைப் பட்டாணியை சேர்த்து நன்றாக கலந்து அதனை 5 நிமிடம் மூடிவைத்து வேக வைக்கவும்.

5 நிமிடம் கழித்து மசாலாவில் எண்ணெய் பிரிந்து வரும் நிலையில் நாம் வறுத்து வைத்துள்ள பன்னீரை சேர்த்து நன்றாக கலந்து விடவும். பின்பு இரண்டு நிமிடம் கழித்து நறுக்கிய கொத்தமல்லி இலை சேர்த்து அடுப்பை அணைக்கவும்