સૌપ્રથમ નારિયેળને ખમણીને પાણી ઉમેરતા જઈ ને ક્રશ કરી લો. ત્યારબાદ તેને એક કોટનના કપડામાં ગાળી લો આ રીતે નારિયેળનું દૂધ તૈયાર થશે.

નાળિયેર ના દૂધમાં બે ચમચી ચણાનો લોટ નાખીને તેને બ્લેન્ડર ની મદદથી મિક્સ કરી લો.ત્યારબાદ તેને ગેસ ઉપર ગરમ કરવા મૂકો તેમાં મીઠું,થોડી આદુ મરચાની પેસ્ટ નાખીને ઘટ્ટ થાય ત્યાં સુધી ઉકાળો.

લાલ લસણ ની ચટણી : આખા લાલ મરચા (1/2કલાક પાણીમાં પલાળેલા), લસણ, મીઠું,જીરુ અને થોડું પાણી ઉમેરીને ક્રશ કરી ને લસણની ચટણી બનાવી લો.

ગ્રીન ચટણી: કોથમીર, ફુદીનો, મરચાં,આદુ જીરું ખાંડ, મીઠું અને લીંબુ નાખીને લીલી ચટણી તૈયાર કરો અને લસણને તેલમાં તળી લો.

હક્કા નૂડલ્સ ને પાણીમાં તેલ અને મીઠું નાખીને બાફી લો ત્યારબાદ તેને ચાળણીમાં કાઢીને થોડું ઠંડુ પાણી ઉમેરીને અને તેલ નાખીને તેને સાઈડ માં મૂકી દો.હવે મેંદામાં મીઠું અને તેલનું મોણ નાખીને પાણીની મદદથી લોટ બાંધી લો. ત્યારબાદ તેને દસથી પંદર મિનિટ ઢાંકીને મૂકી દો.

પછી તેમાંથી ગોળ રોટલી વણીને ત્રિકોણાકાર કાપીને તેને ફ્રોમ ની મદદથી કાણા પાડીને ગરમ તેલમાં બ્રાઉન રંગની થાય ત્યાંસુધી તળો.

હવે એક સર્વિંગ પ્લેટમાં સૌપ્રથમ નીચે નુડલ્સ મુકો પછી તેમાં લાલ ચટણી,સેઝવાન સોસ ઉમેરો અને ગ્રીન ચટણી ઉમેરો

પછી તેમાં પાપડીનો ભૂકો અને તળેલ લસણ અને ડુંગળી ઉમેરો અને નારિયેળનું દૂધ એડ કરો અને ફરીથી તેમાં લાલ ચટણી અને લીલી ચટણી ઉમેરો અને સર્વ કરો અને વધારે સ્પાઈસીનેસ માટે સેઝવાન સોસ ઉમેરો. અને લીંબુ નો રસ ઉમેરી ને સવૅ કરો.