સૌપ્રથમ બધી વસ્તુઓ ભેગી કરી લો. સૌથી પહેલા એક કઢાઈમાં ખાંડ અને પાણી નાખીને તેની ચાસણી તૈયાર કરો. ચાસણી મા એક પણ તાર નથી કરવાના. ખાંડ ઓગળી જાય ત્યારબાદ તેમા ઓરેંજ કલર નાખી ને બે ત્રણ ઉભરા આવે એટલે ગેસ બંધ કરી દો.

ત્યારબાદ એક કડાઈમાં ૧ ચમચી ઘી નાખો.ઘી ગરમ થઈ જાય ત્યારે તેમાં રવો નાખીને સરખી રીતે ચલાવો અને સેકી લો.

રવો સરખો સેકાઈ જાય ત્યારબાદ તેમાં દૂધ નાખીને સરખી રીતે ચલાવતા રહો. રવો કડાઈને છોડવા લાગે એટલે તેને બીજા વાસણમાં કાઢીને ઠંડુ થવા મૂકો.

રવા નું મિશ્રણ ઠંડુ થઈ જાય ત્યારબાદ તેમાં કોપરાનું ખમણ અને મેંદો નાખીને સરખી રીતે મિક્સ કરી લો.

ત્યારબાદ તેલ ગરમ કરવા મુકો. રવાના મિશ્રણ માંથી નાના નાના લુઆ લો અને તેના ઉપર ગમે તેવી ડિઝાઇન બનાવો ત્યારબાદ તેને ગરમ તેલમાં ધીમા તાપે તળો.

ગોલ્ડન બ્રાઉન ના થાય ત્યાં સુધી તળો. ત્યારબાદ તેને ચાસણીમાં 1/2કલાક માટે રહેવા દો. એટલે સરખી ચાસણી ચડી જશે. ચાસણી સરખી રીતે ચડી ગયા બાદ તેને થોડીવાર ફ્રિજમાં ઠંડુ થવા મૂકો અને સર્વ કરો. તૈયાર છે આપણી રસ થી ભરેલી રસભરી જે સ્વાદમાં ખુબ જ સરસ લાગે છે અને ઝડપથી બની જાય છે.