સૌ પ્રથમ 1 બટાકા ને બાફી લો. ઠંડુ થાય એટલે તેમાં ચીઝ, મીઠું, મરી પાઉડર, કોર્ન ફ્લોર, કોર્ન, કેપ્સિકમ, લસણ ની પેસ્ટ, ઓરેગાનો અને ચિલી ફ્લેકશ મિક્સ કરી લો. હવે તેને 10 ભાગ માં વહેંચી લો.

હવે 1 ભાગ લઈ તેને થેપી વચ્ચે મોઝરેલા ચીઝ મૂકી બોલ વાળી લો. આવી રીતે બધા તૈયાર કરી લો. અને 20 થી 30 મિનિટ ફ્રીજ માં સેટ થવા મૂકી દો.

હવે 1 વાટકા માં મેંદો અને કોર્ન ફ્લોર લઈ જરૂર મુજબ પાણી ઉમેરી ખીરું તૈયાર કરો. ખીરું પાતળું રાખવાનું જેથી બ્રેડ crumbs આસાની થી ચોંટી જાય. બ્રેડ crumbs માં ઓરેગાનો અને ચિલી ફ્લેકશ નાખી ને મિક્સ કરી લો. તેલ ગરમ કરવા મૂકી દો. હવે 1 ચીઝ બોલ લઈ તેને ખીરા માં બોળી બ્રેડ crumbs માં રગદોળી તૈયાર કરી લો. બધા થઈ જાય એટલે ગરમ તેલ માં તળવા મૂકો. 1 સાથે 3 થી 4 મૂકી શકાય વાસણ ના કદ પ્રમાણે. ગોલ્ડન બ્રાઉન અને ઉપર નું પડ ક્રિસ્પી થાય એટલે કાઢી લેવા. આ બોલ તળવામાં વાર નથી લાગતી.

તમે અંદર મોઝરેલા ચીઝ નું stuffing ફ્રીજ માંથી કાઢ્યા પછી પણ મૂકી શકો છો. મેં અહીં છીણેલું મોઝરેલા ચીઝ લીધું છે, તમે મોઝરેલા ચીઝ ની ક્યૂબ કે પ્રોસેસ ચીઝ ની ક્યૂબ પણ મૂકી શકો છો. જો સમય ના હોય તો ફ્રીજ માં મૂક્યા વગર તમે સીધા તેલ માં તલી શકો છો. હવે 1 વાટકી માં કેચઅપ અને માયોનિઝ લઈને મિક્સ કરીને ડીપ બનાવી લો અને ટૂથપિક લગાવી સર્વ કરો.