રાજાપુરી કેરીને છોલીને છીણી લેવી. તેમાં એક ચમચી મીઠું ઉમેરીને એક કલાક મૂકી રાખો.

મીઠાનું પાણી વળે પછી તેમાં ખાંડ ઉમેરી મિક્સ કરો, એક થી બે દિવસમાં ખાંડ બરાબર ઓગળી જાય ત્યાં સુધી એને ઘરમાં જ મૂકી રાખો.

ખાંડ ઓગળે પછી તેને તપેલામાં કાઢી તેની પર એક મલમલનું કપડું બાંધી તડકામાં મૂકો. 5-6 દિવસ સુધી રોજ સવારે વેલણ વડે મિક્સ કરવું.

દોઢ તારનો રસો થાય ત્યાં સુધી તડકામાં મૂકી રાખવું. ત્યારબાદ તેમાં કેસર, ઇલાયચી, લવિંગ, જીરૂં ઉમેરી મિક્સ કરી કાચની બરણીમાં ભરી લો. કેરીનો સ્વાદિષ્ટ મુરબ્બો તૈયાર છે.