सुकी चटणीसाठी सुकं खोबरं, शेंगदाणे आणि काश्मिरी लाल मिरच्या चांगले भाजून घ्यावे. १ टीस्पून तेलात लसूण तळून घ्यावेत.

थंड झाल्यावर चवीनुसार मीठ घालून मिक्सरमधून वाटून घ्यावे.

हिरव्या चटणीसाठी कोथिंबीर, पुदिना, हिरव्या मिरच्या आणि चवीनुसार मीठ घालून वाटून घ्यावे. बटाटे उकडून बारीक करून घ्यावेत.

गव्हाच्या पीठात मीठ आणि तेल घालून मिक्स करावे. थोडे थोडे पाणी घालून मळून घ्यावे.

बटाट्याच्या मिश्रणासाठी कढईत तेल गरम करून त्यात मोहरी, जीरे, कडीपत्ता आणि हिंगाची फोडणी द्यावी. आलं लसूण पेस्ट, हळद आणि हिरव्या मिरचीची पेस्ट घालावी.

उकडलेले बटाटे आणि चवीनुसार मीठ घालून मिक्स करावे. लींबू रस आणि कोथिंबीर घालावी.

पीठाचा गोळा करून लाटून घ्यावे. (समान आकार करावा.)

तव्यावर थोडे दोन्ही बाजूंनी शेकून घ्यावे.

केसाडिला बनविण्यासाठी रोटीला हिरवी चटणी लावून त्यावर बटाट्याचे मिश्रण लावावे.

वरुन आवडीनुसार कांदा आणि सुकी चटणी घालावी. त्यावर दूसरी रोटी ठेवावी.

तव्यावर ब्रशने तेल लावून त्यावर ठेवावे. दोन्ही बाजूंनी चांगले शेकावे. सुकी चटणी आणि हिरव्या चटणी सोबत गरमागरम सर्व्ह करावे!!!