प्रथम बटाटे उकडून घ्यावेत आणि थंड झाल्यावर मॅश करून घ्यायचे. त्यात मिरपूड, गार्लिक पावडर, बेकिंग पावडर, मिक्स हर्ब्स्, पिझ्झा ऑरेगानो, मीठ घालून चांगले मिक्स करून घ्या. आणि मग त्याचे नऊ समान भाग करून ठेवा.

आता चीझचे तीन भाग करा. प्रत्येक भागात टूथपीक घुसवून घ्यायची आणि त्यावर बटाट्याच्या मिश्रणाचे कोटींग करून ठेवायचे. दुसरीकडे मैद्यामध्ये थोडे पाणी घालून पातळ बॅटर करून ठेवायचे आणि एका ताटात ब्रेड क्रम्स काढून ठेवायचे.

आता जेव्हा खाणार असाल तेव्हा तळण्यासाठी तेल गरम करायला ठेवायचे. मग टूथपीकला पकडून पोटॅटो डाॅग्स् मद्याच्या बॅटरमधे घोळवून मग ब्रेड क्रम्समधे घुसळून लगेच गरम तेलात सोडायचे. तेल जास्त गरम करू नये नाहीतर लगेचच करपते. असे सगळे हाॅट डाॅग्स तळून घ्यावेत.