પૌંઆ ને સૌથી પહેલાં ચાળી ને સાફ કરી લેવાં. જો, તાપ આવતો હોય તો, મોટા પહોળા વાસણ કે તગારામાં મુકી તપાવી લેવાં,એનાં થી પૌંઆ સરસ કડક થઈ જસે. તમે એને ગરમ ઓવન માં થોડી વાર રાખી ને પણ કડક કરી સકો છો,કે પછી તમે એને ગેસ પર તાવડી માં રાખી હલકા હાથે થી હલાવી ને કડક કરી સકો છો. આ પૌંઆ બહુ પતલાં હોય છે. એટલે હલાવતી વખતે ખુબ ધ્યાન રાખવું. હંમેશા હલકા હાથ થી જ હલાવવાં એટલે બહુ તુટી ના જાય. મેં ઓછી કેલેરી થાય એટલે પાપડ ને સેકી ને સીધાં છે, તમે ઇચ્છો તો તળેલા પાપડ પણ વાપરી સકો છો.

સૌથી મહત્વ ની વસ્તુ પાપડ પૌંઆ માં એ છે કે, એક જ વાર માં મસાલો કરી મીક્ષ કરી લેવાં, જેથી બહુ વાર પૌંઆ ને હલાવવા ના પડે. બહુ વાર હલાવસો તો આ નાયલોન પૌંઆ નો ભુકો થઈ જસે;અને બહુ તૂટેલા પૌંઆ ખાવાની મઝા નહી આવે. હવે, એક મોટા વઘારીયાં માં તેલ લો. તેલ ને જરા ગરમ થવા દો.

હવે એ ગરમ તેલ માં અજમો અને હીંગ ઉમેરો. અજમો જરા તતડે એટલે હળદર તેલ માં ઉમેરી ગેસ બંધ કરી દો. બધું તેલમાં સરસ મીક્ષ કરી લો.

એ ગરમ તેલનાં મીક્ષ ને કડક કરેલાં પૌંઆ ઉપર ચારે બાજુ રેડી દો. મીઠું અને ખાંડ ઉમેરો. પાપડ માં ઓલરેડી મીઠું હસે એટલે એ રીતે મીઠું સાચવી ને મીઠું ઉમેરવું. બધું સરસ મીક્ષ કરી લો.

હવે, સેકેલાં પાપડને હાથ થી તોડી ને નાનાં ટુકડાં કરો. અને એ ટુકડાં ને પૌંઆ માં ઉમેરી દો. જોડે સફેદ મરચું પણ ઉમેરો. બધું હલકા હાથ થી હલાવી મીક્ષ કરી લો. તો તૈયાર છે, પાપડ પૌંઆ. ઠંડા પડે એટલે ડબ્બા માં ભરી લો.

આ પાપડ પૌંઆ ખુબ જ ઝડપથી બની જાય છે. આ બહુ જ સરસ એકદમ ટેસ્ટી લાગે છે. અમારી ઘરે બધા ને ખુબ જ ભાવે છે. તમે પણ બનાવી ને જરુર થી જોજો.