सर्वात प्रथम मैद्यामध्ये तेल आणि मीठ घालून चांगले घट्टसर मळून घ्या. अर्धा तास पीठ झाकून ठेवा.

सर्व भाज्या चिरून घ्या. नुडल्स उकडून घ्या.

कढईत १ टेस्पून तेल गरम करावे. त्यात आलेलसूण परतावे. फरसबी,गाजर, आणि भोपळी मिरची घालून साधारण ३० सेकंद मोठ्या आचेवर परतावे. सोय सॉस घालावा आणि मिक्स करावे.नंतर मीठ, मिरपूड आणि कोबी घालून ३० सेकंद ढवळावे. आच बंद करून नूडल्स घालून मिक्स करावे.

सारण एका बोलमध्ये काढून ठेवावे. मैद्याचा एक गोळा घेऊन त्याची पूरी लाटून घ्या. त्याच्या एका कडेला १ चमचा सारण ठेवावे. २ वेळा रोल करून डावी आणि उजवी बाजू आत फोल्ड करावी. पुढे रोल करत न्यावी. शेवटी पाण्याने किंवा मैदा+पाण्याच्या पेस्टने कड चिकटवून टाकावे.

मग त्या रोलचे पिझ्झा कटरने तिरके तुकडे करून घ्या. सर्व रोल्स गरम तेलात तळून घ्या. स्प्रिंग रोल्स टोमॅटो सॉस बरोबर सर्व्ह करा.