सर्वप्रथम स्वच्छ धुऊन साफ केलेली कोलंबी मिक्सरच्या भांड्यामध्ये घेऊ. त्यानंतर त्यामध्ये थोडा गरम मसाला, तिखट मसाला, हळद, मीठ टाकून ते मिक्सरला जाडसर वाटून घ्यावे.

आपल्याला एका भांड्यामध्ये तेल गरम करून त्यात कांदा परतून घ्यावा. कांदा थोडा नरम झाला की त्यामध्ये आले लसूण पेस्ट टाकून चांगली व्यवस्थित परतून घ्यावी. त्यानंतर त्यामध्ये कोलंबीचे मिश्रण जे आपण जाडसर वाटून घेतला आहे. ते टाकून व्यवस्थित मिक्स करून घ्यावे. दोन ते तीन मिनिटात परतल्यानंतर त्यामध्ये बटाटा टाकून परतून घ्यावा. आता त्यांमध्ये थोडंसं लिंबू पिळून घ्यावे.

एका भांड्यात थोडे तेल गरम करून घ्यायचं आहे. सर्व सुके मसाले टाकून परतून अगदी मंद आचेवर ठेवायचं आहे जेणेकरून मसाले आपले जळणार नाहीत. हि फोडणी आपल्याला त्या मिश्रणामध्ये मिक्स करायची आहे. फोडणी दिल्यानंतर त्याला व्यवस्थित एकजीव करून घ्या. त्यामध्ये आपल्याला कोथंबीर सुद्धा टाकायची आहे

हाताला थोडंसं तेल लावून याचे कटलेट आपल्याला आवडतील त्या शेप मध्ये करून घ्या.

आता एका भांड्यामध्ये अंडा फोडून द्या आपल्याला फक्त अंड्याचा पांढरा भाग वापरायचा आहे. पांढऱ्या भागामध्ये थोडंसं मीठ टाकून व्यवस्थित फेटून घ्या. व एका प्लेटमध्ये ब्रेडक्रम काढून घ्या.

एका कढईमध्ये तेल गरम करायला ठेवा हे कटलेट आपल्याला डीप फ्राय करायचे आहे. त्यानंतर कटलेट पहिला अंड्यामध्ये घोळवून घ्या त्यानंतर ब्रेडक्रम्समध्ये घोळवून घ्या

गरम तेलामध्ये हे कटलेट सोडावे. गोल्डन ब्राऊन होईपर्यंत छान खरपूस तळून घ्यावे.अशाप्रकारे तयार होतील आपले कोळंबीचे कटलेट....