एका वाडग्यात चिंचेचा कोळ, गूळ, थालीपीठाची भाजणी, बेसन, तांदुळाचं पीठ, लाल तिखट, गोडा मसाला आणि मीठ घालून मिश्रण एकजीव करा. थोडं पाणी घालून भज्यांच्या पिठापेक्षा दाट पीठ भिजवा.

अळूच्या पानांचे देठ काढून टाका आणि पानं स्वच्छ धुवून घ्या. पानाची शीर फार जाड असेल तर वरचा भाग सुरीने कापून टाका.पानं आकारानुसार मांडून घ्या -मोठं पान सगळ्यात खाली आणि नंतर आकाराप्रमाणे लहान पानं. एका उंड्यासाठी ३-४ पानं घ्या.

प्रत्येक उंड्यासाठी सगळ्यात मोठं पान उलटं ठेवून त्यावर पीठ सारवा. त्या पानापेक्षा लहान पान त्यावर उलटं ठेवून परत पीठ सारवा. नंतर तिसरं, चौथं पान ठेवून पीठ सारवा.

असे सगळे उंडे तयार करून घ्या.

इडली पात्रात / मोठ्या पातेल्यात पाणी गरम करायला ठेवा. पाणी उकळलं की तयार उंडे जाळीच्या ताटलीत किंवा चाळणीत ठेवून इडली पात्रात / पातेल्यात ठेवा. झाकण लावून मध्यम आचेवर २०-२२ मिनिटं वाफवून घ्या.

उंड्यात सुरी घालून नीट शिजलाय का बघा. उंडे गार झाले कि अर्धा सेमी चे तुकडे करा. आणि गरम तेलात तळून घ्या किंवा तव्यावर तेल घालून भाजून घ्या.गरमगरम चविष्ट अळूवडीचा आस्वाद घ्या.