प्रथम चिंच 1 कप कोमट पाण्यात तासभर भिजत घालायची. तासाभरानंतर चिंच त्यात कुस्करून ते पाणी गाळून घ्यावे मग पुन्हा त्यात 1 कप पाणी घालून कुस्करून तेही पाणी गाळून घ्यावे. तांदूळ स्वच्छ धुवून 15 मिनिटे भिजत ठेवायचे. मग ते पाणी गाळून तांदूळ कुकर मध्ये घालून त्यात 2 कप पाणी अणि थोडे तेल घालून मोकळा भात शिजवून घ्यायचा.

आता मसाल्याचे साहित्य तवा गरम करून थोडेच भाजून घ्यायचे. जास्त भाजायचे नाहिये. म्हणजे मसाल्यांचा रंग बदलला नसला पाहिजे. मसाले गार झाल्यावर त्याची मिक्सरमधून बारीक पावडर करून घ्यायची. त्याच तव्यात 1/2 टी स्पून तेल गरम करून त्यात हळद घालून ती लगेच भातावर घालून मिक्स करावे.

आता चिंचेच्या मिश्रणासाठी काढईत तेल गरम करुन त्यात आधी शेंगदाणे, हरभरा डाळ, मोहरी, मेथी दाणे घालून अर्धा मिनिट परतायचे. मग त्यात लाल मिरच्या, हिरव्या मिरच्या, कढीपत्ता घालून पुन्हा अर्धा मिनिट परतायचे. मग त्यात चिंचेचे पाणी, हळद, मीठ, हिंग घालून उकळी येऊ द्यावी अणि उकळी आल्यावर झाकण ठेवून मिश्रण थोडे घट्ट होऊ द्यायचे.

आता चिंचेचे मिश्रण घट्ट झाले की गॅस बंद करायचा अणि हे मिश्रण भातावर घालून मिक्स करून घ्यायचे. तयार आहे आपला Tamarind Rice...