प्रथम मूग, तांदूळ, उडिद डाळ मिक्स करून स्वच्छ धुवून 6 तास भिजत ठेवा. 6 तासानंतर भिजवलेले धान्य हिरव्या मिरच्या, आल्ले आणि कोथिंबीर घालून मिक्सरमधून वाटत घ्यायचे. मूग भिजेपर्यंत दुसरीकडे चिंच पाण्यात थोडा वेळ भिजवून चिंचेचा कोळ बनवून घ्यायचा.

नंतर एका कढईमध्ये थोडे तेल गरम करून त्यात मोहरी, कढिपत्ता, कांदा घालून परतून घ्यायचे. मग त्यात आल्ले, फुटाण्याची डाळ, टोमॅटो घालून थोडावेळ परतायचे. मग त्यात गुळ आणि चिंचेचा कोळ व थोडे पाणी आणि मीठ घालून चांगले मिक्स करायचे. झाकण लावून 10 मिनिटे शिजवून घ्यायचे. तोपर्यंत थोडे पाणी पण आटते. मग गार झाल्यावर मिक्सरमध्ये पेस्ट करून घ्यायची.

आता खोबऱ्याच्या चटणीसाठी मिरची आणि लसूण 2 थेंब तेलात 1 मिनिट परतायचे. गार झाल्यावर खोबऱ्याच्या चटणीचे सर्व साहित्य एकत्र करून थोडे पाणी घालून मिक्सरमधून पेस्ट करून घ्यायची.

आता तडका पॅनमध्ये थोडे तेल गरम करून त्यात 1/4 टी स्पून जीरे मोहरी प्रत्येकी, कढिपता घालून तडतडल्यावर हा तडका अल्लम चरणीवर घालायचा. पुन्हा त्याच पॅनमध्ये थोडे तेल गरम करून 1/4 टी स्पून जीरे नोहरी प्रत्येकी, कढिपत्ता, सुक्या लाल मिरच्या घालून तडतडल्यावर हा तडका खोबऱ्याच्या चरणीवर घालायचा.

आता डोश्याचा तवा गरम करायला ठेवा. तोपर्यंत डोश्याच्या बॅटरमध्ये चवीप्रमाणे मीठ घालून मिक्स करा. तवा गरम झाल्यावर त्यावर पाण्याचा हबका मारून कापडाने पुसून घ्या. मग एक पळी बॅटर तव्यावर घालून पळीने नेहमीप्रमाणे डोसा तव्यावर पसरून घ्या.

1 मिनिटांनंतर त्यावर थोडे तेल शिंपडा. गोल्डन ब्राऊन भाजल्यावर गरमागरम दोन्ही चटणीसोबत सर्व करा.