பாத்திரத்தில் கோதுமை மாவு,நெய்,உப்பு, தண்ணீர் தேவையான அளவு சேர்த்து சப்பாத்தி மாவு போல் பிசைந்து 30 நிமிடம் ஊற விடவும்.

ஊறிய மாவை சிறு சிறு உருண்டைகளாக எடுத்து பூரி போல தேய்த்து முள் கரண்டியால் ஆங்காங்கே குத்தவும். அப்பொழுது தான் பூரி உப்பாமல் இருக்கும்.

தேய்த்த மாவை சூடான எண்ணெயில் பொரித்து எடுக்கவும்

மிக்ஸி ஜாரில் அரிசி மாவு மற்றும் கசகசாவை சேர்த்து நன்றாக நைசாக பொடித்துக் கொள்ளவும்

முந்திரியை சேர்த்து பொடித்துக் கொள்ளவும்

அதனுடன் தேங்காய் துருவலை சேர்த்து நைஸாக அரைக்கவும்

பாத்திரத்தில் அரைத்த தேங்காய் முந்திரி விழுது, பால் சேர்த்து குறைந்த தீயில் மெதுவாக கலந்து கொண்டே இருக்க வேண்டும் இடையில் விட்டால் கட்டி தட்டிவிடும். 15 நிமிடம் நன்றாக கலந்து கொண்டே இருக்கவும்.

15 நிமிடத்திற்கு பிறகு சர்க்கரை மற்றும் ஏலக்காய் பொடி சேர்த்து 5 நிமிடம் கொதிக்கவிட்டு இறக்கவும்.பால் ரெடி

செய்து வைத்த பூரியை பாலில் நனைத்து பரிமாறும் தட்டில் வைக்கவும்

பூரியை இரண்டாக மடித்து தட்டில் வைத்து அதன் மேல் செய்து வைத்த பாலை ஊற்றவும்.

சுவையான பால் பூரி ரெடி