સૌ પ્રથમ ચાસણી બનાવવા માટે એક વાસણમાં ૧ વાટકી ખાંડ અને પાણી નાખો. પછી તેમાં ફુડ કલર ઉમેરી હલાવો.

પછી ચાસણીને થોડી વાર ઊકળવા દો. ચાસણી થોડી ઘટ્ટ થાય પછી તેમાં ઇલાયચી ને વાટીને નાખવી. હવે ચાસણી તૈયાર છે તેને ઠંડી થવા દો.

હવે આપણે જલેબી બનાવવા માટેનું ખીરું તૈયાર કરીયે. એક વાસણમાં મેંદો, કૉનફલોર, દહીં, ખાવાનો સોડા, હળદર, ચપટી મીઠું અને જરૂર મુજબ પાણી નાખો અને ખીરું તૈયાર કરો.

જલેબી બનાવવા માટે નું ખીરું ખૂબ પાતળું કે બહુ જાડું નહિ થાય તેનું ધ્યાન રાખવું. મધ્યમ રાખવું અને એક ટોમેટો કૅચઅપ ની બોટલ માં ભરી લેવું.

હવે એક વાસણમાં ઘી મુકવું. ઘી ગરમ થઈ જાય પછી તેમાં બોટલ ની મદદથી જલેબી બનાવવી. બંને બાજુએ ઘીમાં તળવી.

જલેબી તળાઈ જાય પછી તેને તરત જ ચાસણીમાં નાખવી અને ૨-૩ મિનિટ સુધી રાખવી. પછી તેને બહાર કાઢી લો.

જલેબી ખાવા માટે તૈયાર છે. તેને પિસ્તાથી સજાવો અને ગરમાગરમ પીરસો.