સૌ પ્રથમ મેથીની ભાજીને ધોઈ, પાંદડા ચુંટી. કથરોટમાં (થાળી) લેવી. તેમાં દહીં, આદુ- મરચાની પેસ્ટ, લસણની પેસ્ટ, હળદર, લાલ મરચુ, ખાંડ તથા મીઠું નાખી સરસ રીતે મિક્ષ કરવું.

હવે તેમાં બાજરીનો લોટ અને ઘઉંનો લોટ તથા તલ નાખી સરસ રીતે મિક્ષ કરવું. હવે તેમાં તેલ નાખી, જરૂરીયાત મુજબ પાણી લઈ લોટ બાંધવો. (સ્વાદ મુજબ થોડા વધારે મસાલા નાખી શકાય) હવે લોટના લુવા બનાવી લેવા.

હવે હાથથી વડા બનાવવા. આંગળી અથવા સળીની મદદથી વચ્ચે કાણું પાડવું. તેના પર તલ પાથરી સહેજ દબાવી લેવા.

હવે ગેસ પર મધ્યમ આંચ પર તાવડીમાં તેલ ગરમ કરવા મુકવું. તેલ ગરમ થાય એટલે વડા તળી લેવા.

બહુ જ સરસ ટેસ્ટી મેથી-બાજરીના વડા તૈયાર છે. ચા સાથે ખાવાની ખુબ જ મજા આવે છે. તમે દહીં સાથે પણ ખાઈ શકો છો.