સૌ પ્રથમ બટાકા ને બાફી, છોલી ને સમારી લો. પૌવા ને પણ ધોઈને ૫ મીનીટ માટે નીતરવા મૂકી દો જેથી તેમાં થી વધારા નું પાણી નીકળી જાય અને પૌવા સરસ ફૂલી જાય. ડુંગળી અને લીલું મરચું પણ સમારી લો.

હવે એક કડાઈમાં તેલ ગરમ કરો અને તેમાં રાઈ, જીરું અને હિંગ ચપટી નાખી ડુંગળી અને લીલું મરચું તથા લીમડા ના પાન ઉમેરી ૨-૩ મીનીટ હલાવો. પછી તેમાં બધાં સૂકા મસાલા ઉમેરો, મીઠું સ્વાદાનુસાર ઉમેરો.

હવે તેમાં બાફેલા બટાકા અને પૌવા ઉમેરો અને બરાબર મિક્સ કરો. ચપતી ખાંડ પણ ઉમેરી શકાય.

તૈયાર છે ગરમા ગરમ સ્વાદિષ્ટ એવા બટાકા પૌવા જેને મેં દાડમ, કાચી કેરી અને કોથમીર તથા ઝીણી સેવ થી સજાવ્યા છે...