સેવ ટામેટાનું શાક બનાવવા માટે સૌપ્રથમ ૪નંગ ટામેટાં લો. ટામેટાં ને સારી રીતે ધોઈને મીડીયમ સાઇઝ ના સમારી લો. ત્યારબાદ ડુંગળી ને ઝીણી સમારી લો. હવે એક પેનમાં તેલ રેડો તેલ ગરમ થઇ જાય એટલે રાઈ ઉમેરો. રાઈ તતડી જાય એટલે જીરુ ઉમેરો. જીરુ સેકાઈ જાય એટલે લસણ, લીલા મરચા અને કળી પત્તા ઉમેરીને બધું બરાબર મિક્સ કરો. હવે સમારેલી ડુંગળી ઉમેરો. ડુંગળીને થોડી વાર સેકાવા દો. ડુંગળી શેકાઈ જાય એટલે ટામેટાં ઉમેરો હવે ફરીથી બધું બરાબર મિક્સ કરી લો.

હવે એક પછી એક બધા મસાલા ઉમેરો. હવે ગોળ અને સ્વાદ અનુસાર મીઠુ ઉમેરો. હવે ૧ અને૧/૨ કપ એટલે (1-1/2 કપ) પાણી ઉમેરીને બધું બરાબર મિક્સ કરી લો. હવે ઢાંકણ બંધ કરી ને ૫-૭ મિનિટ ધીમી આંચ પર શાકને ચઢવા દો.

૭ મિનિટ પછી ઢાંકણ ખોલી દો. ટમેટાનું શાક તૈયાર છે. હવે ટામેટા ના શાક માં લીલા ધાણા અને બારીક સેવ ઉમેરીને ફરીથી બધું બરાબર મિક્સ કરી લો.