முதலில் 300 கிராம் இட்லி அரிசியை நன்றாக சுத்தம் செய்து நான்கு மணி நேரம் ஊற வைத்து, கிரைண்டரில் போட்டு, தேவையான அளவு உப்பு சேர்த்து அளவாக நீர் ஊற்றி நைசாக அரைத்து வைக்கவும்.

பிறகு 25 கிராம் உளுந்து மற்றும் 150 கிராம் பொட்டுக்கடலையை லேசாக வறுத்து மிக்ஸியில் நைசாக அரைத்து சலித்து, அரைத்த இட்லி அரிசி மாவுடன் சேர்க்கவும்.

அதனுடன் வெள்ளை எள் சேர்க்கவும். 100 கிராம் வெண்ணெயை உருக்கி இந்த மாவுடன் சேர்க்கவும்.

எல்லாவற்றையும் ஒன்றாக சேர்த்து நன்றாக பிசைந்து, கையில் ஒட்டாமல் உருட்டுவதற்கு ஏற்றவாறு வைத்துக் கொள்ளவும். வாணலியில் எண்ணெய் ஊற்றி நன்றாக காய வைக்கவும்.

பிசைந்த மாவினை உருட்டி முறுக்கு உரலில் வைத்து காய்ந்த எண்ணெயில் தீயில் வைத்து, சுற்றிலும் அகலமாக பிழிந்து விடவும்.

முறுக்கு நன்றாக வெந்து, எண்ணெய் கொதிக்கும் சத்தம் அடங்கியதும், நீளமான கம்பி போன்ற கரண்டி கொண்டு மெதுவாக திருப்பி விட்டு வேக விடவும். ஐந்து நிமிடங்கள் வெந்ததும் சுவையான ரிப்பன் பக்கோடா முறுக்கு தயார்.

குறிப்பு: விருப்பப்பட்டால், அரிசி அரைக்கும் பொழுது வரமிளகாய் சேர்த்து கொண்டால் முறுக்கு சிறிது கார சாரமாக இருக்கும்.
சின்ன குழந்தைகளுக்கு செய்யும்பொழுது காரம் சேர்க்க தேவையில்லை.