प्रथम कांदा बारीक चिरून घ्यावा. एका मिक्सरच्या भांड्यात हिरवी मिरची, थोडीशी कोथिंबीर, लाल तिखट, साखर आणि मीठ घालून बारीक वाटून घ्यावे. वाटलेला मसाला एका भांड्यात काढून घ्यावा.

परत एकदा मिक्सरच्या भांड्यात कैरीचा किस, शेंगदाण्याचा कूट, बारीक चिरलेला कांदा आणि अजून थोडीशी कोथिंबीर घेऊन बारीक वाटून घ्यावे. एका भांड्यात काढून घ्यावे. त्यात वाटलेला मसाला मिक्स करून घ्यावा.

छोट्या कढईत तेल गरम करून त्यात जीरे - मोहरी तडतडू द्यावे त्यानंतर त्यात हिंग घालावा. हि फोडणी तयार चटणीवर घालावी. चटणी मिक्स करून घ्यावे. तोंडी लावण्यासाठी ही चटणी सर्व्ह करावी.