प्रथम एका भांड्यात तांदूळ धुवून उपसून घ्यावे. मग त्याला हळद, तिखट, काश्मिरी मिरची पावडर, धणे जीरे पावडर, आलं लसूण पेस्ट, मीठ, गोडा मसाला लावून चोळून ठेवावे.

एका पँन मध्ये उभा चिरलेला कांदा थोडा लालसर होई पर्यत परतून घ्यावे. मग त्यात खौलेला नारळ, लवंगा, मिरे दालचिनी चा तुकडा घालून परत परतावे. मिश्रण थंड झाल्यावर बारीक वाटून घ्यावे

एक पातेल गॅस वर गरम करत ठेवावे. पतेल गरम झाल्यावर त्यात तेल घालावे.

तेल थोड तापल्यावर त्यात बारीक चिरलेला कांदा थोडा लालसर होई पर्यंत परतावे. मग त्यात कांदा खोबऱ्याचे वाटलेले मिश्रण घालून परतून घ्यावे.

मग त्यात वाटाणा आणि बटाटा घालून थोडावेळ परतावे.

नंतर त्यात मासाले चोळून ठेवलेले तांदूळ घालावे

तांदुळाच्या दुप्पट पाण्याचे आधन घ्यावे व त्या पातेल्यात ओतावे. थोडा गुळाचा तुकडा घालावा. मंद आचेवर 15 मिनिट ठेवावे नंतर गॅस बंद करावा.