સૌપ્રથમ ઘઉંના લોટને સારી રીતે ચાળી લો. લોટમાં થોડું તેલનું મોણ ઉમેરીને સારી રીતે મિક્સ કરી લો. ત્યારપછી નવશેકા ગરમ પાણીથી થોડો કઠણ લોટ બાંધી લો અને તેમાંથી નાના નાના મુઠીયા બનાવી લો. ત્યારબાદ મધ્યમ આંચ પર તેને બદામી રંગના તળી લો.

મુઠીયા સહેજ ઠરી જાય પછી તેનો મિક્સરમાં ભૂકો કરી લો. ત્યારબાદ કડાઈમાં ઘી અને ગોળ મધ્યમ આંચ પર ગરમ કરવા મૂકો. ગોળ ઉપર આવે એટલે આ ગોળની પાઈને મુઠીયાના ભૂકામાં ઉમેરો. સાથે કાજુ,બદામ, કિસમિસ અને ઈલાયચી અને જાયફળનો ભૂકો ઉમેરી સારી રીતે મિક્સ કરી લો.

ત્યારબાદ તેમાંથી એક સરખા લાડવા વાળી તેની ઉપર ખસખસ અને પિસ્તા લગાવી લો. તો તૈયાર છે ચુરમાનાં લાડુ.