6 வெண்டைக்காயை கழுவி துடைத்துவிட்டு பொடியாக நறுக்கி வைக்கவும். சிறிது கறிவேப்பிலையை கழுவி வைக்கவும். கடாயில் 2 டீஸ்பூன் ஆயில் விட்டு,1/2 டீஸ்பூன் கடுகு, 1 வரமிளகாய் நறுக்கிய வெண்டைக்காய் சிறிது கறிவேப்பிலை சேர்த்து தாளித்து, நன்கு வதக்கி விடவும்.

மோர் குழம்பு செய்வதற்கு அரைக்க: 1 டேபிள் ஸ்பூன் துவரம் பருப்பு ஊற வைத்தது, 1 துண்டு இஞ்சி, 3 பச்சை மிளகாய், 1/2 டீஸ்பூன் மிளகு, 1 டீஸ்பூன் சீரகம், 1 டீஸ்பூன் தனியா, 4 சின்ன வெங்காயம், 2 டீஸ்பூன் தேங்காய் துருவல், சிறிது மஞ்சள் தூள் சேர்த்து சிறிது தண்ணீர் விட்டு நன்கு அரைத்து வைக்கவும்.

1 கப் புளித்த தயிர் எடுத்து வைக்கவும். அரைத்த விழுதை ஒரு கிண்ணத்தில் சேர்த்து அதனுடன் தயிர், உப்பு சேர்க்கவும். அடுப்பை சிம்மில் வைத்து, மோர் குழம்பை அடுப்பில் வைத்து சூடேற்றவும்.

ஓரங்களில் நுரை வரும் பொழுது அடுப்பை அணைத்துவிட்டு, தாளித்து, வதக்கிய வெண்டைக்காயை சேர்த்து விடவும். சுவையான வெண்டைக்காய் மோர் குழம்பு ரெடி.😋😋