સૌપ્રથમ એક કડાઈ માં તેલ લઈ ગેસ ઉપર મધ્યમ તાપે મૂકી તેલ ગરમ થાય એટલે તેમાં લીલા મરચાની પેસ્ટ, આદુની પેસ્ટ, ખાંડેલા સૂકા ધાણા, લાલ મરચું પાઉડર, હળદર પાઉડર, હીંગ નાખી બરાબર મિક્સ કરવું પછી તેમાં બાફેલા બટાકાનો માવો નાખવો અને કાળા મરીનો પાઉડર, આમચૂર પાઉડર અને ગરમ મસાલો નાખી બધુ બરાબર મિક્સ કરવું. અને બે-ત્રણ સેકન્ડ ગેસ ઉપર રાખી બરાબર મિક્સ કરી ગેસ બંધ કરી દેવો.

ત્યારબાદ એક વાસણમાં ચણાનો લોટ લઇ તેમાં લાલ મરચુ પાઉડર અને સ્વાદ મુજબ મીઠુ ઉમેરી જરૂર મુજબ પાણી ઉમેરી બોળો તૈયાર કરવો.

હવે બ્રેડ ને વચ્ચેથી કટ કરવી ત્યાર પછી તેની ઉપર ગ્રીન ચટણી લગાવવી (ફોટા માં બતાવ્યા મુજબ) અને બ્રેડ ના એક્સાઇડ ના ભાગમાં બટાકાનો મસાલો મૂકી ઉપર બ્રેડ નો બીજો ભાગ મૂકી હલકા હાથે પ્રેસ કરવું. બધી બ્રેડને આ રીતે સ્ટફિંગ મૂકી તૈયાર કરી લેવી.

હવે એક કડાઈમાં તળવા માટે તેલ લઈ ગેસ ઉપર મૂકવું અને તેલ ગરમ થાય એટલે સ્ટફિંગ ભરેલી બ્રેડને તૈયાર કરેલા ચણાના લોટના બોળા માં બોળી ગરમ તેલમાં ગોલ્ડન બ્રાઉન તળી લેવું. આ રીતે બધા પકોડા તૈયાર કરી લેવા.