छोले उकडून कांदा, टोमॅटो, आलं- लसूण- मिरची पेस्ट वापरून नेहमीप्रमाणे त्याची भाजी करून घ्यावी. या भाजीमध्ये लाल तिखट, गरम मसाला आणि तंदूर मसाल्याचा वापर करावा.(भाजी खूप जास्त ओलसर करू नये) ही भाजी पूर्ण शिजल्यावर त्यामध्ये उकडलेले बटाटे कुस्करून एकजीव करून घ्यावेत म्हणजे फ्रँकी चे सारण तयार होईल.

एका भांड्यामध्ये मैदा घेऊन त्यामध्ये थोडेसे मीठ आणि तेल घालून जरा सैलसर पीठ मळून 20 ते 25 मिनिटे बाजूला झाकून ठेवून द्यावे. पंचवीस मिनिटानंतर ते पीठ हाताने व्यवस्थित मळून घ्यावे.या पिठाच्या फ्रँकी साठी पोळ्या करून त्या तव्यावर दोन्ही बाजूंनी अर्धवट भाजून घ्याव्या. या पोळ्या तयार केल्यामुळे फ्रँकी आपल्याला पटापट करता येतात. दिलेले सर्व साहित्य वापरून फ्रँकी मसाला तयार करून घ्यावा अथवा विकत चा फ्रँकी मसाला वापरा.

फ्रँकी चे टॉपिंग तयार करण्यासाठी एका छोट्याशा कढईत 1.5 टेबल्स्पून तेल घेऊन त्यात थोडेसे जीरे घालून उभा चिरलेला कांदा आणि भोपळी मिरची थोड्या मोठ्या गॅसवर पटापट परतून त्यावर एक टीस्पून फ्रॅंकी मसाला घालून, मिक्स करून गॅस लगेच बंद करावा. पुदिना, कोथिंबीर,मिरची,आलं, मीठ घालून हिरवी चटणी वाटून घ्या.