प्रथम उडीद डाळ स्वच्छ धुवून कमीतकमी 5-6 तास भिजत घालावी..

भिजलेली डाळ पाणी न घालता मिक्सर मधून वाटून घ्यावी..

मग त्यात तांदूळ पीठ, आल्याचे बारीक काप,खोबऱ्याचे काप, हिरवी मिरची गरजेनुसार बारीक चिरून त्या बॅटर मध्ये घावी...थोड मीठ घालून चांगले एका दिशेने १५ मिन फेटून घ्यावेत..

तळण्यासाठी तेल घेऊन ते गरम झाले की मध्यम आचेवर वडे पाडून घ्यावेत..वडे पडताना हाताच्या बोटाना थोड पाणी लावून वडे तळून घेणे..

एका बाजूला तूर डाळ स्वच्छ धुवून त्यात पाणी घालून बारीक चिरलेला कांदा, शेवगा, वांग, बटाटा टोमॅटो हे सगळं एकत्र कुकर मधून शिजवून घेणे..मध्यम आचेवर ५ शिट्या काढून घ्याव्यात..

आता शिजलेल्या सर्व मिक्स भाज्या असलेल्या डाळीमध्ये लाल तिखट, हळद, मीठ, सांबार मसाला घालून छान मिक्स करून घेणे..आणि सांबाराला वरून तडका द्यावा..त्यामध्ये तेल, मोहरी,जीरे, हिंग, कडीपत्ता, २ लाल सुक्या मिरच्या असाव्यात..वरून फोडणी चा तडका दिल्यावर पुन्हा एकदा सांबार छान मिक्स करून शिजवून घेणे..त्यात चिंचेचा कोळ घालावा आणि थोडासा गूळ..झाला चटपटीत असा सांबार तयार..😋😋

आता गरमागरम वड्यांवर मस्तपैकी सांबार ओतून सर्व्ह करावे..