सर्वप्रथम दोन्ही डाळी स्वच्छ धुवून घ्यावीत व 3-4 तास पाण्यात भिजवून घ्यावे. त्या नंतर पाणी काढून दोन्ही डाळी मिक्सरमध्ये पाणी न घालता अख्खे जीरे घालून बारीक वाटून घ्याव्यात. एका वाट्यात काढून छान हलके होइ स्तोवर फेटून घ्यावे थोडे मीठ घालून एकत्र करुन घ्यावे व हवे त्या आकाराचे वडे तळून घ्यावे.

नंतर एका भांड्यात दही,मीठ, साखर घेऊन नीट फेटून घ्या व फ्रिज मध्ये थंड करायला ठेवावे.

एका पसरट भांड्यात पाणी मीठ घालून गरम करत ठेवावे. खूप गरम करु नये. त्यात वडे 10 मिनिटे ठेवावे. एका भांड्यात पातळ ताक करून घ्यावे. गरम पाण्यातून वडे दाबून काढावेत व ताकात 10 मिनिटे ठेवावे. असे केल्यास वडे खूपच मऊसूत होतात.

ताकातले वडे पण हलक्या हाताने दाबून सर्व्हिंग प्लेट मध्ये काढून थंडगार दही घालावे. चवी प्रमाणे मीठ, तिखट, जीरे पूड, हिरवी चटणी व खजूर चटणी घालावी. शेव व बुंदी सजावटीसाठी घालून सर्व्ह करावे. उन्हाळ्यासाठी परफेक्ट लंच मेनू आहे थंड गार दही भल्ले.