સૌથી પહેલા એક કઢાઇ ને ગેસ પર મૂકી ગેસ ચાલુ કરો. ત્યાર પછી તેમાં તેલ અને બટર મૂકી ગરમ થાય એટલે તમાલપત્ર તજ લવિંગ મરી ઉમેરી એક મિનિટ સાંતળી લેવું. ત્યાર પછી તેમાં કાંદો ઉમેરવો બે બ્રાઉન થાય ત્યાં સુધી હલાવતા રહેવું ત્યાર પછી તેમાં ટામેટા ઉમેરી ૧૦ મિનિટ સાંતળવા,

તેમાં સમારેલા લીલા મરચા આદુના ટુકડા અને લસણની કળી ઉમેરવી પાંચ મિનિટ સાતળવું હવે ગેસ બંધ કરી તેને એક ડીશમાં ઠંડુ કરવું ઠંડુ થાય એટલે મિક્સરમાં પીસી લેવું, હવે એક કઢાઈ લઇ ગેસ પર મૂકી ગેસ ચાલુ કરવો ગેસની ફ્લેમ મીડીયમ રાખવી તેમાં તેલને બટર મૂકી ગરમ થાય,

એટલે જીરું નાખી તૈયાર કરેલી પેસ્ટ ઉમેરી ૫ મિનિટ સાંતળી લેવું હવે તેમાં હળદર પાઉડર લાલ મરચું પાઉડર ધાણાજીરું પાઉડર ઉમેરી બધું બરાબર મિક્સ કરી લેવું હવે તેમાં મીઠું કસૂરી મેથી અને મલાઈ ઉમેરી તેલ છૂટું પડે ત્યાં સુધી હલાવતા રહો,

તેલ છૂટું પડવા લાગે એટલે તેમાં પનીર છીણવું હવે તેમાં બટર ઉમેરો પંજાબી ગ્રેવી મસાલો ને ગરમ મસાલો ઉમેરી બધું બરાબર મિક્સ કરી ૧૦ મિનિટ સાંતળવું છૂટું પડે એટલે તેમાં પનીરના ટુકડા ઉમેરી ૫ મિનિટ થવા દેવું હવે ગેસ બંધ કરી દેવો તેની ઉપર સમારેલી કોથમીર ભભરાવી તો તૈયાર છે આ પનીર ની સબ્જી તમે ખાઈ શકો છો તો તૈયાર છે પનીર લબાબદાર ગરમા ગરમ સર્વ કરવા માટે.