சிக்கனை நன்கு கழுவி சுத்தம் செய்து எடுத்து கொள்ளவும். வாணலியில் எண்ணெய் ஊற்றி பூண்டு பல் சிறிதாக நறுக்கி சேர்த்து வதக்கவும். வெங்காயம் சிறிதாக நறுக்கி சேர்த்து வதக்கவும்.

இதில் சிக்கன் சேர்த்து வதக்கி விடவும். சிறிதளவு உப்பு சேர்த்து கலந்து கொள்ளவும்.

தக்காளி அரைத்து எடுத்து இதில் ஊற்றி கொள்ளவும். பிறகு மிக்ஸி கழுவி அந்த தக்காளி அடித்த தண்ணீர் இதில் ஊற்றி கலந்து விடவும்.

இதில் மிக்ஸ்டு ஹெர்ப்ஸ், சீஸ், ட்ரை பார்ஸ்லி சேர்த்து கலந்து விடவும்.

மிளகாய் தூள், மிளகு தூள் சேர்த்து கலந்து விட்டு மூடி வைத்து வேக வைக்கவும்.

தண்ணீர் வற்றி சிக்கன் வெந்து வரும் வரை வேக வைக்கவும்.

பிறகு ஒரு அகலமான பாத்திரத்தில் தேவையான அளவு தண்ணீர் உப்பு சேர்த்து நன்கு கொதிக்க விடவும். பிறகு ஸ்பெகடி சேர்த்து வேக வைக்கவும். ஸ்பெகடி யை கட் செய்யாமல் அப்படியே போட்டு வேக வைத்து எடுத்து கொள்ளவும்.

ஸ்பெகடி வெந்து வந்த பிறகு அதனை எடுத்து தயார் செய்து உள்ள சிக்கன் தக்காளி சாஸ் கலவையில் சேர்த்து நன்றாக கலந்து விடவும்.

இப்போது தேவைப்பட்டால் சீஸ், மிக்ஸ்டு ஹெர்ப்ஸ், ஓரிகன் சேர்த்து நன்றாக கலந்து கொள்ளலாம்.

கடைசியாக மிக்ஸ்டு ஹெர்ப்ஸ், சீஸ் தூவி பின்னர் பரிமாறவும்.மிகவும் அருமையாக இருந்தது. இத்தாலி ஸ்பெஷல் ஸ்பெகடி போலக்னீஸ் தயார். நன்றி