સૌપ્રથમ પાલકને ચોખ્ખા પાણીથી ધોઈ પાનને પાવર બોઈલ કરી દેવાનું. તેમાં ચપટી સોડા અને થોડી ખાંડ નાખી દેવાની તેથી તેના પેસ્ટ નું ગ્રીન કલર જળવાઈ રહે.

ફ્લાવર અને બટેટાને સમારી વટાણા નાખી કુકરમાં તેને પાણી અને મીઠું નાખી બાફી દેવાના. મરચાં અને લસણની પેસ્ટ કરી દેવાની.

કેપ્સીકમ, લીલી ડુંગળી અને ટામેટાને ઝીણા સમારી લેવાના. પાલકના પાન પારબોઇલ થઈ જાય એટલે તેને કાણાવાળા વાટકામાં કાઢી તેમાં ઠંડુ પાણી નાખી તેની પેસ્ટ કરી લેવાની.

એક નોનસ્ટિક કડાઈ લઈ તેમાં ઘી અને બટર નાખી ગરમ થાય એટલે ડુંગળીની પેસ્ટ મરચાં અને લસણની પેસ્ટ નાખી તેને થોડીવાર સાતળી લેવાની ત્યારબાદ તેમાં ટામેટાના કટકા અને કેપ્સિકમ ના કટકા નાખી તેને ચડવા દેવાના થોડા ચડી જાય એટલે તેમાં લીલી ડુંગળી સમારેલી 5 ઉમેરી દેવાની.

હવે ફ્લાવર અને બટેટાને બફાઈ જાય એટલે તેને થોડા મેશ કરી લેવાના ત્યારબાદ ટામેટા અને કેપ્સીકમ માં મિક્સ કરી દેવાનું હવે તેમાં પાવભાજી મસાલો,મીઠું,લીંબુ નાખી તેમાં પાલકની પેસ્ટ ઉમેરી દેવાની બધું બરાબર હલાવી ઘી અને બટર છૂટે ત્યાં સુધી ધીમા તાપે તેને થવા દેવાની કોથમીર અને લીલી ડુંગળી ના પાન થી થી ગાર્નીશ કરી પાવને બટરમાં શેકી ગરમ ગરમ ગ્રીન પાવભાજી સર્વ કરો.