कोथिंबीरीची जुडी नीट करून स्वच्छ धुऊन निथळून घ्यावी व नंतर बारीक चिरावी. आले, लसूण, मिरची पेस्ट करावी. गरम मसाला पावडर करावी.

मोठया बाउल मध्ये चिरलेली कोथिंबीर घ्यावी. त्यात मिरची,आले लसूण पेस्ट, गरम मसाला पावडर, हळद, चवीनुसार मीठ घालून सर्व मिक्स करावे.

नंतर या मिश्रणात तांदूळ पीठ व बसेल एवढे बेसन घालून घट्ट गोळा बनवावा.तयार गोळयाचे मध्यम आकाराचे लांबट गोळे बनवावेत. त्यानंतर उकडीच्या भांड्यात किंवा पॅनमध्ये पाणी घालून चाळणीवर हे गोळे उकडून घयावेत.

गोळे थंड झाल्यावर त्याच्या वड्या कापाव्यात. कट केलेल्या वड्या पॅनमध्ये श्यालो फ्राय किंवा डीप फ्राय करून घ्याव्यात.

तयार गरमागरम वडी सॉस बरोबर किंवा नुसतीच सर्व्ह करा.