मोठया बाउलमध्ये दही, साखर मिक्स करून घ्यावे. त्यात मैदा, बेकिंग पावडर, खायचा सोडा व आवश्यकतेनुसार मीठ मिक्स करून मैदयाचा गोळा मळून घ्यावा. अंदाजे 5 ते 6 तास मळून ठेवावे म्हणजे पीठ छान फुगते.

उकडलेले बटाटे कुस्करून त्यात तिखट, गरम मसाला, मीठ मिक्सकरून स्टफिंग तयार करावे. त्यानंतर तयार गोळ्याचे मध्यम आकाराचे गोळे करून घ्यावेत. प्रत्येक गोळयात स्टफिंग भरून गोळे तयार करावेत.

स्टफ केलेला एक गोळा थापावा किंवा लाटावा. गरम तव्यावर कुलचा टाकून वरून कलौजी व कोथिंबीर लावावी. कुलचा खालून शेकून झाल्यावर उलटावा व दोन्ही बाजूने छान शेकून झाला की बटर लावावे.

बटरी गरमागरम कुलचा छोले, पनीर मटार किंवा इतर ग्रेव्ही सब्जी बरोबर सर्व्ह करावे.