સૌપ્રથમ નુડલ્સ ને 90℅ટકા જેટલા બાફી લો તે જ પ્રમાણે ચોખાને પણ 90% જેટલા બાફી લો. જરૂર મુજબના બધા જ શાકભાજીને લાંબા સમારી લો. આદુ અને લસણને પણ ઝીણું સમારી લો.

હવે રાઈસ અને નુડલ્સ નું મિશ્રણ બનાવવા માટે એક પેનમાં તેલ અને ધુમાડો નીકળે ત્યાં સુધી ગરમ કરો. ત્યારબાદ તેમાં લસણ ઉમેરી સાંતળો, તરત જ તેમાં લીલી ડુંગળી નો લીલો અને સફેદ ભાગ,કોબીજ, ગાજર અને કેપ્સિકમ ઉમેરી તેને એક બે મિનિટ માટે સાંતળી લો. ત્યારબાદ તેમાં સેઝવાન ઉમેરી બરાબર કુક કરી લો હવે તેમાં રાઈસ અને નુડલ્સ ઉમેરી સ્વાદ મુજબ મીઠું ઉમેરી બરાબર મિક્સ કરી સાઈડ ઉપર રાખી દો

સેઝવાન ગ્રેવી બનાવવા માટે બીજા એક પેનમાં તેલને ધુમાડો નીકળે ત્યાં સુધી ગરમ કરો ત્યારબાદ તેમાં આદુ અને લસણ સાતળો. હવે તેમાં કોબીજ અને લીલી ડુંગળી નો લીલો અને સફેદ ભાગ ઉમેરી સાતળો. તેમાં સેઝવાન સોસ, ટોમેટો કેચઅપ અને સોયા સોસ ઉમેરી બરાબર મિક્સ કરો.

આ મિશ્રણમાં કોર્ન ફ્લોરની સ્લરી ઉમેરી મિક્સ કરો ત્યારબાદ તેમાં મીઠું મરી પાઉડર અને ખાંડ ઉમેરી મિશ્રણ ઘટ્ટ થાય ત્યાં સુધી કુક કરી લો આપણી સેઝવાન ગ્રેવી તૈયાર છે.

ત્રીપલ સેઝવાન રાઈસ ને સર્વ કરવા માટે સર્વિંગ પ્લેટમાં સૌપ્રથમ બનાવેલો રાઈસ અને નુડલ્સ મિશ્રણ લો.એની ઉપર થોડા તળેલા નુડલ્સ પાથરો.તેના ઉપર બનાવેલી સેઝવાન ગ્રેવી રેડી ઉપરથી તળેલા નુડલ્સ ભભરાવી લીલી ડુંગળીથી ગાર્નિશ કરી સર્વ કરો.