प्रथम मटार दाणे धुवून मिक्सरच्या भांड्यात काढून, लसूण पाकळ्या, घालून मिक्सरला जाडसर वाटून घ्या. नंतर गॅस चालू करून एका पॅन मध्ये थोडे तेल गरम करून त्यात जीरे,आले लसूण पेस्ट, बारीक चिरलेला कांदा घालून तो परतवून त्यात जाडसर वाटून घेतलेले मटार दाण्याचे वाटप फोडणी ला घालून त्यात गरम मसाला, जीरे पूड, लाल तिखट, किसून घेतलेले पनीर घालून वरून कसुरी मेथी चवीनुसार मीठ घालून गॅस बंद करा.आता हे मिश्रण थोडे थंड होऊ द्या.

आता दुसऱ्या बाजूला एका परातीत १ कप गव्हाचे पीठ आणि पाव कप मैदा घेऊन त्यात चवीनुसार मीठ घालून आणि थोडे पाणी घालून ते मिश्रण चांगले मळून घ्या.

नंतर गॅस चालू करून तवा गरम करत ठेवा. व बाजूला पीठाचा एका गोळा करून तो लाटून त्यावर थोडे तेल लावून वरील मटार पनीर चे मिश्रण पसरवून थोडे वरून काळे तीळ पसरवून लाटलेल्या पारीचा एक पाव भाग अर्धा पयऀत कापून गोल गोल एकाच दिशेने दुमडून घ्या. व हाताने दाब देऊन त्याची पुन्हा अलगद हाताने पोळी लाटून घ्या. व वरून काळे तीळ घाला. आता तव्यावर हा पराठा थोडे तेल लावून खरपूस भाजून घ्या. त्याला मस्त चारही बाजूंनी पापुद्रे सुटतील.