સૌ પ્રથમ બધી દાળ ને મિક્સ કરી ધોઈ ને પલાળવી સાઈડ પર રાખવી હવે બટાકો,ડુંગળી,લીલા મરચાં બધું કટ કરી લેવું પાણીપુરી નું પાણી બનાવી ને રાખવુ

હવે એક કૂકર મા તેલ ઉમેરો તેમાં જીરું,રાઈ અને મીઠા લીમડા ના પાન ઉમેરી સાતાડવું હવે ડુંગળી, બટાકો,લીલા મરચાં,આદુ લસણની પેસ્ટ અને હળદર ઉમેરી મિક્સ કરવું

હવે ફણગાવેલા મગ અને ચણા,તુવેર દાણા,અને થોડા દાણા ને ક્રશ કરી ને ઉમેરવા અને મિક્સ કરવું પછી પલાળેલી દાળ ઉમેરવી

હવે તેમાં ચોખા,રીંગણ,મીઠું અને પાણીપુરી નું પાણી ઉમેરી મિક્સ કરવું

હવે તેમાં પાણીપુરી મસાલો અને ખાંડ ઉમેરી મિક્સ કરવું

હવે તેમાં ઘી અને શીંગદાણા ઉમેરી બરાબર મિક્સ કરી કૂકર ને બંધ કરી 3 સીટી વગાડી ગેસ બંધ કરી કૂકર ને ઠંડુ થવા દો પછી ખોલી ને એક વાર ખીચડી ને હલાવી લેવી

હવે મે પાણીપુરી ફ્લેવર્સ ની ખીચડી બનાવી છે તો સર્વ પણ તે રીતે જ કરીશું ને બરાબર ને તો હવે ખીચડી ના બોલ્સ બનાવી લેવા અને છાસ માં મીઠું, મરી, જીરૂ પાઉડર,સંચળ,ફુદીનો ઉમેરી બ્લેન્ડર થી બ્લેન્ડ કરી લેવું પછી તેમાં ઉપર થી કોથમીર ઉમેરો

હવે પાણીપુરી ની સાઈઝ ના નાના બાઉલ માં ખીચડી ના બોલ્સ મૂકો પછી નાના ગ્લાસ માં છાસ ભરી ઉપર ખીચડી ના બાઉલ મૂકી પાણીપુરી ની જેમ પાણીપુરી ફ્લેવર્સ ની ખીચડી ને સર્વ કરવી