કાબુલી ચણા ને સારી રીતે ધોઈ ગરમ પાણીમાં મીઠું અને ચપટી સોડા નાખી પાંચથી છ કલાક પલાળી રાખો. પછી તેને કુકરમાં લેવા એક ચોખ્ખું કપડું લઈ તેમાં ચાપત્તિ, તજ,લવિંગ, તમાલપત્ર, ઈલાયચી, મરી બધું લઈ એક પોટલી જેવું બાંધી અને ચણા બાફતી વખતે તેમાં નાખી દેવું.

5થી 6 સિટી બોલાવી. ટામેટા અને મગજતરીના બી લઈ એકદમ સ્મૂધ ગ્રેવી બનાવી લેવી. પછી એક પેનમાં તેલ મૂકી તેમાં ટામેટાની ગ્રેવી, હિંગ, અને 1/2 ચમચી લાલ મરચું પાઉડર નાખો. તેમાં છોલે નો મસાલો મીઠું મરચું હળદર, ચાટ મસાલો અને શેકેલા જીરાનો પાઉડર નાખો.

બધું બરાબર ખદ ખદે એટલે ચણા ને સહેજ મેશ કરીને નાખવા અને મીડીયમ તાપે ઢાંકીને 3 થી 4 મિનિટ થવા દેવું લીમડો પણ નાખી દેવો. પછી ગેસ બંધ કરી ઉપર કોથમીર નાખી દેવી. પંજાબી છોલે તમે ગમે તે સાથે ખાઈ શકો છો.