મગ ની દાળ ને ૨/૩ કલાક પલાળી ત્યાર બાદ તેમાં કેપ્સિકમ, લસણ, મરચાં, કોથમીર અને છાશ નાખી તેને ઝીણું પીસી લો. તેને થોડા સમય માટે રાખી મૂકવું.

ચણાના લોટમાં મીઠું, લીંબુ નો રસ, નાખી ખીરું તૈયાર કરો.પનીર ના ચોરસ પીસ કરી દેવાના, એક નોન સ્ટિક લોઢી લઈ તેમાં થોડું બટર મૂકી થોડા ચીલી ફ્લેક્સ અને મીઠું નાખી પનીરના પીસ ને સાંતળી લેવાના.

હવે ઢોકળું મુકવા માટેના વાસણને તેલથી ગ્રીસ કરી તેને ગરમ થવા મૂકી દેવાનું બંને ખીરામાં ઇનો નાખી બરાબર હલાવી લેવાનું.

સૌથી પહેલા ગ્રીન કલર નું ખીરુ પાથરી તેને બે મિનિટ માટે થવા દેવાનું થઈ જાય એટલે તેની ઉપર પનીરના પીસ ગોઠવી દેવાના તેની ઉપર યલો કલરનું ખીરાને રેડી દેવાનું.

એવી રીતે ફરીવાર સેકન્ડ લેયર પર કરી સૌથી ઉપર યલો કલરનું ખીરું નાખી તેની ઉપર ચીલી ફ્લેક્સ નાખી પાંચથી સાત મિનિટ માટે ઢોકળાને થવા દેવાનું.

ઢોકળા થઈ જાય એટલે તેને બહાર કાઢી ઠંડા થવા મૂકી દેવાના તેના પીસ કરી તેની ઉપર વઘાર રેડી ગરમ ગરમ પનીર ઢોકળા સર્વ કરો.