दोन्ही भाज्या स्वच्छ धुऊन निवडून घ्या. पॅनमध्ये 4 -5 कप पाणी घेऊन, त्यांत शेंगदाणे व दोन्ही भाज्या टाकून, छान वाफवून घ्या. तूर डाळ कुकरमध्ये ठेवून त्याला तीन शिट्ट्या करून शिजवून घ्या.

वाफलेल्या भाज्यांचे पाणी वेळुन काढा, म्हणजे अंबाडीचा आंबटपणा कमी होईल.
एका भांड्यात भाज्या व शिजलेली तूर डाळ टाकून त्यांत चवीपुरते मीठ, हळद टाका.रवीने किंवा ब्लेंडर ने फिरवून भाजी घोटून घ्या.

हिरव्या मिरच्या जिरे व लसूण मिक्सरला फिरवून त्याचे वाटण तयार करा.

कढईत तेलाची फोडणी करून, त्यांत मोहरी - जिरे टाकून तडतडू द्या. फोडणीत हिरव्या मिरचीचे वाटण टाकून, हळद टाका. ते छान परतल्यावर, त्यांत घोटलेली अंबाड्याची भाजी टाकून, छान उकळू द्या.- झक्कास पैकी अंबाडी भाजी तयार !!
ही भाजी गरम गरम भाकरी बरोबर किंवा शिळ्या भाकरी बरोबर सुद्धा अगदी भन्नाट लागते.