એક બાઉલ મા રવો, ઘી અને તેલ બરાબર મિક્સ કરી હાથ થી મસળીને તેને ૧૨ કલાક સુધી ઢાંકી ને મુકવુ.

૧૨ કલાક પછી રવો મા ઘી અને તેલ ચઢી જઇ એકદમ સુવાળો(સોફ્ટ) થઈ જશે.

હવે તેમા મેંદો, મિલ્ક પાઉડર, દળેલી ખાંડ, જાયફળ પાઉડર, બેકિંગ પાઉડર અને મીંઠુ બધુ જ રવાના મિશ્રણ મા બરાબર મિક્સ કરી લેવુ.

હવે યીસ્ત મા ખાંડ અને પાણી મિક્સ કરી તેને એક્ટીવ કરવા મુકવુ.

હવે યીસ્ત એક્ટીવ થઈ જાય એટલે તેને રવા અને મેંદા ના મિશ્રણ મા મિક્સ કરવુ.

હવે તેમા દુધ, ગુલાબજળ અને વેનીલા એસેન્સ મિક્સ કરી રોટલી ના લોટ જેવો લોટ બાંધવો અને એક કલાક સુધી ઢાંકી ને મુકવુ.

હવે કલાક પછી તે લોટ ના કચોરી બને તેવા નાના ગોળા બનાવી લેવા.

હવે ખજૂર ના બીજ કાઢી મિક્સર મા તેલ મિક્સ કરી ફેરવી લેવુ અને મિક્સર માથી લઈ તેમા મગજતરી ના બીજ, અખરોટ નો ભૂકો અને દળેલી ખાંડ બરાબર મિક્સ કરી લેવુ અને તેના પણ લોટ વાળા ગોળા થી સહેજ નાના ગોળા બનાવી લેવા.

હવે તેને ૨૩૦સે ૧૦ મિનિટ પ્રિ હિટ કરી પછી ૧૦ થી ૧૫ મિનિટ લાઇટ બ્રાઉન થાય ત્યા સુધી બેક કરવુ.